W dźěłarničce w Slepom wo sonach a pućach do přichoda přemyslowali
Slepo (SN/MiP). Wosebita dźěłarnička pod hesłom „Serbske sony a puće do přichoda“ je wčera wječor něhdźe 40 zajimcow do Němsko-serbskeho šulskeho kompleksa w Slepom přiwabiła. Zarjadowarjo běchu Wuwićowa towaršnosć delnjošleska Hornja Łužica (ENO), Projekt ZARI - syć za serbsku rěč a regionalnu identitu kaž tež projekt gmejnow Slepo, Trjebin a Dźěwin „SerbIT – Serbska inowacija a tradicija“. Jich zhromadny cil na tutym wječoru běše, z domoródnymi Slepjanskeje kónčiny za idejemi a pućemi pytać, kak móhli serbsku rěč a kulturu w regionje přisporjeć, ju widźomnišu sčinić. Nimo hosćićela – nawody Wyšeje šule Slepo Jana Hrjehora – běchu mjez druhim tež Slepjanski wjesnjanosta Jörg Funda (CDU), wjesnjanosta gmejny Dźěwin Sebastian Bertko (njestronjan), kaž tež serbski predikant z Rownoho Manfred Hermaš mjez wobdźělnikami.
Großhennersdorf/Budyšin (SN/MiR). Serbski poskitk ze štyrjomi filmami we wobłuku lětušeho 22. filmoweho festiwala Nysa, kiž so wot 19. do 23. meje wotměje, budźe 23. meje w Budyskim Kamjentnym domje. W rjedźe Regionalia pokazuja tam wječor w 20 hodź. film „Serbske wobrazy“, kiž zaběra so ze serbskej kulturu a identitu. Wón pokaza archiwowe wobrazy zetkanja Serbow w lěće 1956 w Budyšinje ze sportowymi wubědźowanjemi, jewišćowym programom, swjedźenskim přećahom a serbskimi nałožkami. Paski a dokumentacije Horsta Heibera, Kurta Hajny a Jana Krawže běža bjez komentara. Serbski předewzaćel, hudźbnik, kulturny wědomostnik a zwukowy inženjer Jakub Gruhl (Ectoplastic Lab) chce wobrazam wotpowědne zwuki live zahrać. Z pomocu SAVE-programa – „Awdijo-wizuelne namrěwstwo w Sakskej“ – su něšto wjace hač połhodźinski film w lěće 2019 digitalizowali.
SJ Njebjelčicy –ST Běła/Cunnersdorf 4:1 (2:1)Zestawa domjacych: D. Weclich – Wagner (24. Lehmann), Reineke, Hanusa, Hrjehor P., Hrjehor F., Korjeńk (67. Cyž), Čornak (67. Lejnart), Rudolf, Matješk, Domš O.Po štyrjoch tydźenjach bě tak daloko. Skónčnje móžachu Njebjelčenjo zaso doma hrać. Hosćo z Běłeje běchu dotal solidnu sezonu hrali a zaměstnichu so na šestym městnje tabulki.
Rom/Vatikan (SN/MG). Z Božej mšu zahajichu kardinalojo we Vatikanje wčera, srjedu, dopołdnja konklawe we Vatikanje. Na mši wo to prošachu, zo bychu praweho naslědnika swjateho Pětra wuzwolili. Dohromady 133 muži smě přichodneho bamža w prastarej ceremoniji wolić. To je telko, kaž hišće ženje do toho.Dokelž je lěto 2025 tež swjate lěto, mjerwja so w Romje tuchwilu z putnikami a turistami. Stwy w hotelach a křesćanskich hóstnych domach su nimale wšě wuknihowane. Tuž njezadźiwa, zo přebywaše wčera popołdnju, po tym zo běchu kardinalojo do Sixtinskeje kapały zaćahnyli, wjele ludźi na Pětrowym naměsće. Tam čakachu na wuslědk prěnjeho wólbneho koła. Kardinalojo su mjenujcy wčera hižo prěni raz wolili. Dźensa wola dalše štyri razy, jeli so njedojednaja, a tež pjatk tak postupuja. Po třoch dnjach předpisaja jim regule cyły dźeń přestawki, potom maja dale wolić. Naposledk trjeba nowy bamž wjetšinu dweju třećinow, doniž njeje tuta docpěta, njesmědźa kardinalojo Vatikan wopušćić. ...
Njewšědny wobraz skićeše so nimo jěducym wutoru wječor w Čornym Hodlerju. Tam hnydom štyri baćony na latarnjach nadróžny wobchad na zwjazkowej dróze B 96 wobkedźbowachu a sej poslednje słónčne pruhi dnja lubić dachu. Zawěsće su tež runje syćene łuki, hdźež namakaja dobru picu, wulki argument za to, zo so baćonam pola nas wosebje lubi. Foto: Syman Pöpel
8.5. –14.5.2025 Budyski filmowy palast:Ein Minecraft Film: nj 12:00 (tež D-Box) | wšědnje 14:30 (tež D-Box, nimo štw, pó a srj), 17:45 a 20:15 | pj a so 22:45 (tež D-Box) Wunderschöner: pj, nj a wu 17:15 Schneewitchen: nj 12:15 | wšědnje 14:45 (nimo štw, pó a srj) | štw, so, pó a srj 17:15 A working man: pj a so 22:30 Bridget Jones – Verrückt nach ihm: štw, so, pó a srj 17:30 Heldin: nj 12:00 | pj, nj a wu 17:30 | pó 19:30 Sneak Preview: pó 20:00 Moon, der Panda: nj 12:30 | pj, so, nj a wu 14:45 | pj, nj a pó 17:00 Ein Mädchen namens Willow: nj 12:45 | pj, so, nj a wu 15:15 | štw, so, wu a srj 17:00 Paddington in Peru: nj 12:30 Die Drei ??? und der Karpatenhund: 12:00 Mufasa: Der König der Löwen: pj, so, nj a wu 14:45 The Amateur: štw a nj 19:45 | wu 20:00 Blood & Sinners: štw, pj, so, nj a srj 20:00 | pj a so 22:15 Drop – Tödliches Date: pj a so 22:45 The Accountant 2: wšědnje 19:45 | pj a so 22:30 Thunderbolts* w 3D: pj, so, nj a wu 14:30 | wšědnje 17:00 a 20:00 (tež D-Bo ...
Kandidat PiS we wólbnym boju sej pomoc prezidenta USA zaručiłWaršawa. Minjeny tydźeń a kónc tydźenja su Polacy zaso marathon swjedźenjow a zarjadowanjow dožiwili, kiž so takle kóžde lěto wospjetuje.Štwórtk bě tež w susodnym kraju swjedźeń 1. meje. Dźeń po tym wopomnichu Polacy swjatk pólskeje chorhoje. Wšón kraj steji tónle dźeń – mjeztym 20 lět – cyle w znamjenju čerwjeno-běłeje chorhoje, kotraž wšudźe zmawuje. Jenož dźeń po tym wěnuja so ludźo Dnjej wustawy, štož je tohorunja wažny swjedźeń. 3. meja je swobodny dźeń. Přičina je róčnica prěnjeje pólskeje wustawy z lěta 1791, kiž bě zdobom prěnja swojeho razu po wšej Europje a kotraž je hišće dźensa wažny zakład demokratiskich wustawow.
„Smjerć poslednje słowo nima. Jutry bjeru nam strach před smjerću. Wona słuša k žiwjenju a twori jenož wrota k wěčnemu žiwjenju. Do toho křesćenjo wěrja.“ (dr. P. Brězan w interviewje w SN, 9. apryla 2020). Dnja 1. meje 2025 docpě dr. Pětr Brězan tute wrota k wěčnemu žiwjenju.Pětr Brězan narodźi so 11. awgusta 1932 w Sulšecach do wulkeje Brězanec swójby, kotraž hospodarješe generacije dołho na Sulšečan młynje. Hižo w staršiskim domje nawukny dr. Brězan, zo maš za swój wšědny chlěb pilnje dźěłać a zo ći ničo wot samo do klina njepada.
